Parlumi, a app para aprender idiomas: que é e como funciona

Parlumi é unha app de balde para aprender idiomas con leccións curtas que parecen un xogo. Está en iPhone (App Store) e en Android (Google Play). Se aínda non a coñeces, aquí tes o esencial: que podes aprender, como é unha lección e que a fai diferente.

Nove idiomas, do A1 ao C2

Con Parlumi podes aprender español, inglés, francés, italiano, portugués do Brasil, catalán, alemán, neerlandés e sueco. Cada curso vai do A1 ao C2 do Marco Común Europeo de Referencia: seis niveis con 12 unidades cada un, 72 unidades en total.

E non fai falta comezar de cero. Se xa sabes algo, unha proba de nivel sitúate no punto que che corresponde. Ao final de cada nivel hai un exame para comprobar que o dominas antes de pasar ao seguinte.

Explicado para quen fala a túa lingua

Parlumi pódese usar en 13 idiomas: os nove dos cursos e, ademais, polaco, finés, ucraíno e turco. O galego non está entre eles, así que o máis habitual será usala en español. O importante, en todo caso, non é a tradución dos botóns, senón que cada curso está explicado para quen fala a lingua desde a que aprendes: as notas dinche que cambia entre os dous idiomas e avísante dos falsos amigos, esas palabras que se parecen e non significan o mesmo.

Como é unha lección

Unha lección dura uns cinco minutos. Con iso abonda para avanzar se o fas cada día. Dentro atoparás exercicios variados:

• Fichas coas palabras novas, co seu audio.
• Escoller, ordenar e emparellar frases e palabras.
• Escribir a resposta, que obriga a lembrar.
• Escoitar a velocidade normal ou lenta.
• Falar: dis a frase en voz alta e o móbil comproba a pronuncia ao momento. O audio non se garda.
• Atopar o erro nunha frase.
• Unha historia ao final de cada unidade para ver todo o aprendido en contexto.

As palabras que máis che custan volven soas nos repasos, xusto cando empezas a esquecelas.

Constancia sen agobios

Parlumi axúdache a non deixalo: escolles un obxectivo diario, sumas XP, mantés a túa racha e gañas gemas. Se che apetece, podes engadir amigos, retalos a duelos de 60 segundos e comparar a clasificación semanal.

E está a cidade de Parlumi: cada semana formas parte dun barrio de ata 20 persoas que levanta unha obra entre todos. Non conta o nivel, senón a constancia: cada lección suma.

Sen conexión e sen anuncios

As leccións pódense facer sen conexión: no autobús, no avión ou onde non haxa cobertura. Cando volves ter internet, o progreso sincronízase. A app non ten anuncios e podes probar as primeiras leccións sen crear unha conta.

Unha conta, calquera móbil

Se creas unha conta, o teu progreso, a túa racha e os teus amigos acompáñante en iPhone e Android. Podes cambiar de móbil sen perder nada. E se o precisas para o teu equipo, existe Parlumi Teams para empresas.

Preguntas rápidas

É de balde? Si. Pódese usar gratis; Premium é opcional.

En que móbiles funciona? En iPhone, desde a App Store, e en Android, desde Google Play. Contámolo polo miúdo en Parlumi xa está en Android.

Canto tempo necesito ao día? Con cinco minutos diarios xa avanzas. O que importa é a constancia, como contamos en como aprender un idioma con 5 minutos ao día.